ҮЙЛЧИЛГЭЭНИЙ НӨХЦӨЛ

1.1. Үнийн санал: Вэбсайт дээрх автомашины үнэ нь тухайн үеийн зах зээлийн ханш болон Японы дуудлага худалдааны нөхцөл байдлаас шалтгаалан өөрчлөгдөж болно. 1.2. Урьдчилгаа төлбөр: Худалдан авагч автомашиныг захиалж, баталгаажуулахын тулд нийт үнийн дүнгийн 30% (Гучин хувь)-тай тэнцэх урьдчилгаа төлбөрийг төлнө. 1.3. Захиалга баталгаажих: Урьдчилгаа төлбөр Компанийн дансанд орсноор захиалга албан ёсоор баталгаажиж, Японоос татан авалтын процесс эхэлнэ.

2.1. Төлбөрийн хэрэгсэл: Бид олон улсын Visa, MasterCard болон American Express картыг хүлээн авна. Мөн банкны Swift шилжүүлэг (Wire Transfer)-ээр төлбөр хийх боломжтой. 2.2. Гүйлгээний аюулгүй байдал: Бүх онлайн гүйлгээ нь SSL нууцлалтай бөгөөд 3D Secure (Verified by Visa/MasterCard SecureCode) стандартаар хамгаалагдана. 2.3. Үлдэгдэл төлбөр: Худалдан авагч үлдэгдэл 70%-ийг автомашин Монгол улсын гаалийн бүсэд ирэх эсвэл дараагийн улс руу (Казахстан г.м) экспортлогдохоос өмнө гэрээнд заасан хугацаанд төлөх үүрэгтэй. 2.4. Валютын ханш: Төлбөрийг ам.доллароор (USD) тооцох бөгөөд карт эзэмшигчийн банкны ханшийн зөрүүнээс үүсэх зардлыг Компани хариуцахгүй.

3.1. Incoterms: Хэрэв өөрөөр тохиролцоогүй бол тээвэрлэлтийг CIP (Carriage and Insurance Paid to) эсвэл FOB (Free on Board) нөхцөлөөр гүйцэтгэнэ. 3.2. Хугацаа: Тээвэрлэлтийн хугацаа нь ложистикийн нөхцөл байдал болон гаалийн үйл ажиллагаанаас шалтгаалан өөр өөр байх ба Компани хэрэглэгчид тухай бүрд нь мэдээлэл өгнө.

Олон улсын автомашин худалдааны жишгийн дагуу дараах нөхцөлийг мөрдөнө: 4.1. Захиалга цуцлах (Төлбөр илгээснээс хойш 24 цаг): Хэрэв Компани Японы талд худалдан авалтын гүйцэтгэлийг эхлүүлээгүй бол урьдчилгаа төлбөрийг банкны шимтгэлийг хасч бүрэн буцаана. 4.2. Худалдан авалтын дараах цуцлалт: Хэрэв автомашин Японы дуудлага худалдаанаас худалдаж авагдсан эсвэл ложистикийн шатанд орсон бол урьдчилгаа 30%-ийг буцаан олгохгүй. Энэ нь дуудлага худалдааны торгууль, хадгалалт, тээврийн зардлыг нөхөхөд зарцуулагдана. 4.3. Автомашин буцаах: Хүлээн авсан автомашин нь анхны мэдээллээс (Auction sheet) зөрүүтэй, техникийн ноцтой гэмтэлтэй нь тогтоогдвол Компани олон улсын даатгалын нөхцөлийн дагуу асуудлыг шийдвэрлэх эсвэл хохирлыг барагдуулна. Жич: Хэрэглэгчийн зүгээс зүгээр л "таалагдахаа байсан" гэх шалтгаанаар буцаалт хийх боломжгүй.

5.1. Мэдээллийн үнэн зөв байдал: Компани нь автомашины техникийн байдал, түүхийг Японы дуудлага худалдааны үнэлгээний хуудас (Auction sheet)-д үндэслэн үнэн зөв мэдээлэх үүрэгтэй. 5.2. Давагдашгүй хүчин зүйл: Дайн, байгалийн гамшиг, улс төрийн тогтворгүй байдал болон тээврийн замын гэнэтийн саатлаас үүдсэн хохирлыг Компани хариуцахгүй (Force Majeure).

6.1. Энэхүү гэрээнээс үүдэлтэй аливаа маргааныг талууд харилцан тохиролцох замаар шийдвэрлэнэ. 6.2. Тохиролцоонд хүрээгүй тохиолдолд Монгол улсын хууль тогтоомжийн дагуу харьяалагдах шүүхээр шийдвэрлүүлнэ.